PATHIAN HNEN IH PEK SIANNAK CUN

Topic : Pathian hnen ih pek siannak cun
Text : 1 Siang 17 : 13 -14
Thu hmai hruai : Pek tih mi hi om lo sungih pek hi a si ( cemfel ).1 Siang 17 : 8 - 24 sungah Zarefath khua ih nuhmei nu in Pathian minung Prophet Elijah hnen ih apek siangnak le a hnu thlun thuhla kan hmun. Lungawinak mak tak a ton vek thiamthiam in riahsiatnak le malmaknak khal a tong. Hi mi hmang in mallai thazaang lak khawm ka duh.
1. Thlawsuah kan dong
Thlawhsuah dong tih tikah va lain ciamco ih va neinung dutdo tih va si kher lo in kan tulnak vek ten kan ngah ih ei le in neih tawk te ah kan tlaksam lo tihnak sawn a si. Neih tawk ah lungawi diriam hna in thiam ter.

2. Siatralnak kan tong - nun in zirh
BAWIPAI ' hnen kan pek cing in anhai ton can khal cu a um ve lala. Kan pek mi in cohlang sak lo si sawn loin;
- Nun pitling in neih ter.
- Nun tih mi in thei fiang ter.
Nun in zirh mi sawn a si.
3.Pathian theihfiangnak nun in neih ter.
Thlawhsuahnak sung in malmaknak ah in hruai / thlen ter sal theu mi hi thei men ih nom men hi a tawk lo theihfiang a tul. Cu lawngah BAWIPA sunloihnak kan pe thei ding.
Khai khawmtu : Pathian hnen ih pek tih mi hi Pathian hnatuan pawl le Zumtu a fa le pawl rak kilkhawi that pawl khal hi an si.Pathian hnatuan pawl pek / bawm hi nun khuasak a tluang. Ruahsannak dik khal in neih ter. Pathian hnenih Pek ti tik ah Neih tuk ruangih pek si loin um lo sungih na pek mi hi si, Cucu peknak dik a si. Cumicun Nun pitling le a mah Pathian rintlak a si zia in theih fiang ter lawng si lo in a hmun lo mi lei nun in theih fiang ter theu. Theih fiang nun cun nun a kim ter mai.
Thuf 15 : 16 " BAWIPA tihphah ih malte neih hi, Lian ih Thinphang rero hnak in a tha sawn," tin in sim.
Siartu nan zate hnenah BAWIPAI' thatnak a thar in thleng hram seh.Amen.
Lungawi.